کِی گھِنسو؟؟؟
...
کوئی پُچھ ڈیوے، میڈے ساہواں کُوں،،،
میڈی جان چھڈن دا کِی گھِنسو؟؟؟
...
تُسی پیار دَا مُل وِی لاؤندے او،،،
ساکوں پیار کرن دا کِی گھِنسو؟؟؟
تُساں کَلیاں وِی تے مرناں ہئے،،،
ساڈے نال مرن دا کِی گھِنسو؟؟
...
ہر اِک نوں سنگت وَنڈدے او،،،
ساڈے نال پِھرن دا کِی گھِنسو ؟؟؟
...
تُسی ہسدے سوہنے لگدے او!
ہر وار ہَسن دا کِی گھِنسو؟؟؟
...
ہِک کرم کرو! میکوں مار ڈیوو!
سرکار! کرم دا کِی گھِنسو؟؟؟
...
تُساں یاد تے آؤندے رہندے اوو،،،
دَسو آپ آوَن دا کِی گھِنسو؟؟؟
...
میڈے ساہواں نُوں کِی بھاء گھِنسو؟؟؟
میڈی جان گھِنن دا کِی گھِنسو؟؟؟
...
اَساں دِل دَا حال سناؤنا اے،،،
سائیں! حال سُنَن دَا کِی گھِنسو؟؟؟
...
اَسی ڈُب گئے آں تُہڈے عشقے وِچ،،،
ساکوں باہر کَڈھن دا کِی گھِنسو؟؟؟
...
میڈے دِل دے مُرشد! ڈھول پیا!
میڈا ہَتھ پَھڑن دا کِی گھِنسو؟؟؟
...
دِل سَجن میڈا، دِلدار میڈا،،،
دِلدار، سَجن دا کِی گھِنسو؟؟؟
...
میڈا رانجھن میکوں آکھدا ہئے،،،
انسان بنن دا کِی گھِنسو؟؟؟
...
کیوں تھوڑا تھوڑا لِکھدے او؟؟؟
ہک وار لکھن دا کِی گھِنسو؟؟؟
...
میکوں پُچھدی اے تنہائی ، علیؔ!
میکوں نال رَکھن دا کِی گھِنسو؟؟؟
...
ہن یار میڈے کہندے نے، علیؔ!!!
اتوار مِلن دا کِی گھنسو؟؟؟
No comments:
Post a Comment