beautiful young lady Images

کبھی وعدے کبھی قسمیں کبھی اقرار سے آگے

کبھی انکار کے پیچھے کبھی انکار سے آگے

ہمارے رہبروں کی سوچ بھی اب تک نہیں بدلی

کبھی دینار کے پیچھے کبھی دینار سے آگے

یہاں اک شور برپا ہے سمجھ میں کچھ نہیں آتا

کسی کردار کے پیچھے کسی کردار سے آگے

ہماری عمر گزری ہے خبر لیتے خبر دیتے

کبھی اخبار کے پیچھے کبھی اخبار سے آگے

ہماری رفعتیں کچھ اس طرح سے ہیں زمانے میں

کبھی دستار کے پیچھے کبھی دستار سے آگے

بیاں کیسے کریں آغا کہ ان کی زلف کا عالم

کبھی رخسار کے پیچھے کبھی رخسار سے آگے